Ачилов Исмаил Шайқұлұлы

Ачилов Исмаил Шайқұлұлы — 1940 жылы 5 наурызда Өзбекстанның Бұхара қаласында туған. Профессор, Қазақстан Республикасының Оқу-ағарту ісіне еңбек сіңірген қайраткер.

• 1961 жылы көркем-сурет училищесін бітірген.
• 1969 жылы Владивосток қаласында кескіндеме-суретші мамандығы бойынша Қиыршығыс өнер институтын бітіреді.
• 1969 жылдан 1993 жылға дейін Н.В.Гоголь атындағы Алматы көркем-сурет училищесінде (қазіргі О.Таңсықбаев атындағы),
• 1979 жылы Алматы мемлекеттік театр-көркемсурет институтында,
• 1993 жылдан Қазақ мемлекеттік көркемсурет академиясында (қазіргі Т.Жургенов атындағы) сабақ береді.

Баспаларда кітап безендіру жұмыстарына да ат салысады. Әсіресе "Мектеп" баспасында шығып жатқан оқулықтарға белсене ат салысуда. Көркем-сурет оқулықтарын шығару жұмыстарына белсене араласады.

1990 жылдан Қазақстан Республикасы Суретшілер Одағының мүшесі. Республикалық, Бүкілодактық, Халықаралық көркем-сурет көрмелерінің қатынасушысы.

Негізгі жұмыстары: "Ардагерлер отбасы" 1990 жыл, "Биебау" 1990 жыл, "Әлия Молдағұлованың портреті" 1975 жыл, "Ғасырлар сабақтастығы" 1993 жыл, "Еркін самғау" 1992 жыл, "Үй шаруасындағы әйел" 1993 жыл, "Уақыт ырғағы" 2000 жыл, "Қызғалдақты пейзаж" 2001 жыл, "Ежелгі қорған қабырғасында" 2001 жыл, "Шебер қыздар" 2001 жыл, "Воля" 2001 жыл жұмыстары әртүрлі мұражайлар қорында, әр ел жеке жинаушылар топтамаларына сақталуда.