Ашық кеуектілік

Ашық кеуектілік — тау жынысытардағы бір-бірімен өзара байланысқан кеуектер көлемінің сол тау жынысытардың жалпы көлеміне қатынасы. Нашар дәнекерленген құмтастардың Ашық кеуектілік. көрсеткіші мен нақты кеуектілік көрсеткіші бір-біріне сәйкес келеді десе де болғандай. Бұл екі көрсеткіштің бір-бірінен айырмашылығы құмтастардың прогрессиялық эпигенез барысында немесе тау жынысытардың саздылығы өскен сайын бірте-бірте арта береді. Кеуек типті жинауышитардың ашық кеуектілігі әдетте 10-20% аралығында болып келеді,бірақ кеуектіліктің бұл көрсеткіштерден әлдеқайда төмен немесе әлдеқайда жоғары мәндері де некенсаяқ ұшырасады. Ал жарықшақты жинауыштардағы Ашық кеуектілік мөлшері 2-3% болған жағдайдың өзінде де бұл жинауыштар өндірістік игеруге толық жарамды кенорындар рөлін толығымен атқара алады. Ашық кеуектілік көрсеткішін анықтау үшін тау жынысы үлгілерін зерттеудің зертханалық әдістері, қойнауқаттарды зерттеудің гидродинамикалық әдістері, сол сияқты өндірістік геофизика әдістері қолданылады.