Ағаш ұқсату

Ағаш ұқсату - қолөнердің көне түрі. Ол төрт топқа болінеді. Балташылар - үй құрау, еден төсеу, діңгек, тұғыр, арба, шана, есік-жақтау, саябан, т.б. жасаушылар. Үйшілер - киіз үй сүйегін, адалбащн, асадал, сүйреткі, күйме жасайтын ісмерлер. Оймашылар - ыдыс-аяқ, түйгі, күзеншелек, үзеңгі, кереует, кебеже, жцкаяц, абдыра, сықырлауық сияқтыларды оюлайды. Музыкалық аспаптар да жасайды. Тоқушылар - шарбақ, шабата, қорап, себет, ергенек, т.б. тоқиды. Көшпелі мал өсірушілік, аңшылық және жаугершілік дәуірде Ағаш ұқсату басты өнер болған.

Ағаш ұқсату ертеде қазақ ортасында арнайы кәсіп ретінде жолға қойылған. Көшпелі ортаға лайықталған үй-тұрмыс бұйымдары, баспана, ер, мал шаруашылығының әбзелдерін ағаш ұқсату кәсібімен айналысқан мамандар ағаш шеберлері мен ерші, үйшілер айналысты. Жартылай отырықшылық пен жер өңдеумен айналысатын ортада ағаш шеберлерінің арнайы маманданған түрлері дамыды. Кесілген ағашты қалыптасқан дәстүрлі технологиялық тәсілдер бойынша кептіреді.