Ақанаев Бейсенбек Әтейбекұлы

Ақанаев Бейсенбек Әтейбекұлы — 1954 жылы Алматы облысында туған.

• 1974 жылы Н. В. Гоголь атындағы Алматы көркем-сурет училищесін бітірген.
• 1991 жылдан Қазақстан Республикасы Суретшілер одағының мүшесі.
• 1974 жылдан "Жазушы", "Жалын", "Рауан", "Санат" тағы басқа баспаларда көркемдеуші редактор болып қызмет атқарды.

Республикалық, халықаралық кітап көрмелерінің, Лейпцигте, Берлинде, Мәскеуде, Ташкентте, Душанбеде өткен кітап жәрмеңкелерінің белсенді қатынасушысы.Бейсенбектің безендіруіндегі орыс тілінде жарық көрген "Қожанасыр мен ай", "Батыл есек", және ұйгыр тілінде шыққан "Үш бала" кітаптары көркем безендірілу сапасына байланысты дипломдармен марапатталған.

Соңғы жылдары бірыңғай кескіндеме өнерімен айналысуда. Негізгі көрмелері: 1999 жылы мамырда Алматыда "Жігер" фестивалінде, 2001 жылдың қарашасында "Проритет" деп аталатын арнайы көрмесі Алматыда, "Қазақстан суретшілері" атты көрмесі Египетте (Каирде), "Ғасыр жаңғырығы" деп аталатын жеке көрмесі өтті.

Негізгі тақырыптары: Қазақстанның тарихы мен мәдениеті, көшпенділердің әдет-ғұрпы, дәстүрі, фольклоры. 1980—1990 жылдардағы графика және живописьтік таңдаулы жұмыстары шетелдерде, Алматыда жеке қорларда сақтаулы.