Ақбауыр металлинелла

Ақбауыр металлинелла (Metallinella leucogastra F. Mor.) — араның саны азайып бара жатқан, сирек кездесетін түрі. Ортаазиялық жергілікті түр. Қазақстанның оңтүстік-шығысынан табылған.Тау етегі мен белдеуінде, сонымен қатар, өзен аңғарларында тіршілік етеді. Мамырдың ортасынан бастап, шілде бойы ұшады. Helix coconix Credl сабағында ұялағаны белгілі. Жасанды ұяларда, яғни терек кесіндісінің бұрғымен тесіп жасалынған қуыстарында ұялайды. Саны адам әрекетінің әсерінен (малды шектен тыс бағу, мелиттофильді және рудеральді өсімдіктерді құрту) азайып отыр. Түрді сақтап қалу үшін малды шектен тыс бағуды тоқтату, қорықтар мен шағын қорықшалар ұйымдастыру қажет. Түрді жасанды ұяларда өсіру жүргізілді және жетістіктерге қол жеткіздік. Түрді жоңышқаны тозаңдандыру үшін қолдануға болады.

Дереккөздер

«Ғажайып омыртқасыздар, Қазақстан Қызыл кітабы беттерінен» И. Д. Митяев, Р. В. Ященко, В. Л. Казенас, Алматы 2005