Ақберен

Ақберен (көне.) -

1. Болаттан соғылған ұзын ұңғылы шитті мылтық. Салмағы ауыр болғандықтан, ұңғының үш жағына таяныш орнатылады. Ондайды сирақты мылтық деп атаған. "Мылтық келді ақберен, жұтылмас жау көздегенге", - дейді халық.
2. Батырлар киетін жапырақ торлы сауыт. Аcыл болаттан соғылады. Оны қылыш кеспейді, найза теспейді. Қазақтар сауытқа денені терлетпеу үшін көздер тесіп салатын болған. Батырлық жырларда қос көзді және бадана көзді деген түрлері бар.
3. 18 - 19 ғасырлардағы қазақ ақындары шығармаларының ғылыми жинағы. 1972 ж. "Жазушы" баспасынан 32 мың данамен жарық көрген. Құрастырып, баспаға әзірлеген, алғы сөзін жазған К.Сыдиков. Жинаққа енген ақын-жыраулар шығармаларының көшірмесі алғаш рет жарияланды.