Ақжелкен (повесть)

Ақжелкен (повесть) - 1976 жылы жазылған. Авторы Ғафу Қайырбеков.

Қысқаша мазмұны

'Шығарманың басты кейіпкері Қабікен. Бұл шығармада оның балалық шағының қалай өткені жайлы баяндалады. Оның балалық шағы басқа балалардыкіне ұқсамады, себебі ол өмірді ерте таныды, өмірдің бар қиындықтары мен қуанышты сәттерін басынан кешірді. Достықтың және отбасының қадірін түсінді. Қаншама қиындықты басынын кешірсе де мойымады.

Шығарма кейіпкерлері

Қайырғали - қара торы, имек мұрынды, қара мұртты, қоңыр жүзді. Жомарт, ой қорытқыш, сенімді серік, шыншыл, жаны шуаққа толы, сөзі өтімді.
Қалимаш - орта жастан асқан, кескінсіз қара әйел, қоңыр көзді, шағын денелі, ақшыл жүзді, шашы беліне түскен, қою қара шашты келіншек.
Қараахмет ауылнай - өткір тостаған көзді, жебелі қара мұртты, орта бойлы, қара сұр кескінді адам.
Әбдікәрім - (Ақкерім) - қоңыр көзді, ат жақты, орақ мұрынды, түзу және балғын денелі, ақ жігіт.
Бекентай - шойындай қара, тістері аппақ, қара дөңгелек көзді, көзі өткір де суық.
Қабаш - өзінің әкесі Бекентайдан айнымайды.
Аңсаған - қақпақ жауырынды, қоңқақ мұрынды, жайдары қоңыр көзді, қоңыр ісе дауысты, қайратты, көрікті жігіт.
Сағидолла - шағын бойлы, бетінде тарғақтың жұмыртқасындай шұбар таңбас бар, шегір көзді, істік мұрынды, ат жақты, балаң жігіт.
Мәрия - тілі шолжаңдау, толықша келген, қара келіншек.
Сызай - жылтыр қара, бет әлпеті сұлу біткен, күлімсіреген қоңыр көзді, шағын денелі. Аққөңіл, бауырмал, күлегеш, жарқын жүзді, күлімсірген жан.
Литвиненко - бойшаң, ашаң жүзді, арық кісі.
Ақыл - уыздай жас, орта бойлы, дөп-дөңгелек мойылдай қара көзді, бүйрек бетті қыз.
Леон Исаевич Мирзоян - сымбатты, денелі, мойны ұзын кеоген, шашын тік қайырған, ат жақты, көкшіл көзді адам.
Раушан - әдеміше келген, шағын денелі қыз.
Сейдахмет - керемет үлкен басты, басының нақ шүйдесінде жұдырықтай ұры бар, кішігірім сабадай мол ішті, жауырыны даладай, балтыры батпақдай, қысық көзді ер адам. Ақкөңіл, жомарт адам.
Ақжүніс (Сейдахметтің бәйбішесі) - бойшаң, ақ шұбар, қаршыға көзді, биік жаулықты, ірі тұлғалы, әмірлі кескінді адам.
Әнуар (Асанның немере інісі) - аса сұлу, көзі баданадай, маңдайы жырта қарыс жігіт.
Рашида - әдемі сарғыш шашты, жұқа қызыл ерінді. көк көзді, аппақ ашаң жүзді, түп-түзу түлғалы татар қызы.
1-сынып оқытушысы - ұзын бойлы, ақ құбаша, бетінде жұқа шешек дағы бар, түсі сұрғылттау суық.
Қараахмет ауылнай - салтанат сүйгіш, өте тығыз мінезді.
Әжесі (Зейнеп) - еңбекқор, елге сыйлы, сөзі өтімді, мейірімді, өнерлі.
Қабікен - үндемейтін, үялшақ, ынжық, жігерсіз.
Бөпежан елгезек, сүп-сүйкімді, адал дос, жаны таза, бауырмал.

Дерек көздері

Алматы баспасы. "Ақжелкен" кітабы
www.kultura.kostanay.kz

Тағы қараңыз

Ғафу Қайырбеков