Ақкүміс Қапсиқызы Ықыласова

Ақкүміс Қапсиқызы Ықыласова – 1986 жылы 16 желтоқсан көтерілісіне қатысқан қазақ қызы. 1961 жылы 22 ақпанда Орал облысы, Фурманов ауданы, «Талдыапан» ауылында дүниеге келген. Анасы мезгілсіз қайтыс болған соң, отбасымен Алматыға көшіп келген. Ол қалалық №12 орта мектепті тәмамдайды. 1978 жылдан бастап еңбек ете бастаған. Желтоқсан көтерілісі кезінде ауыр әрі қиын күндерді басынан өткерген. Өте ауыр жарақат алған Ақкүміске дәрігерлер «өлді» деген қорытынды жасайды, сөйтіп мәйітханадан бірақ шығады. Сол жерде жұмыс істейтін орыс кемпір қыздың кеудесінде әлі де жан бар екенін байқап, аман алып қалады. 1987 жылы тубдиспансерде жатып емделген.