Ақтамберді көшесі (Алматы)

Көшеге қазақтың ержүрек батыр ұлы, көне жыраулық мектептің белді өкілі, қолбасы Ақтамберді Сарыұлының есімі (Алматы қаласы мәслихатының 6.03.2008 №83 шешімі мен Алматы қаласы әкімдігінің 14.03.2008 №2/139 қаулысы) берілген. Ақтамберді Сарыұлы (1675—1768) Оңтүстік Қазақстанда, Қаратау бойында дүниеге келген. Оның көпке танымал өлең-толғаулары: «Күмбір-күмбір кісінетіп», «Уа, қарт Бөгенбай», «Жауға шаптым ту байлап» т.б.

Көше Әуезов ауданындағы «Қалқаман-2» шағынауданында орналасқан. Көшенің ұзындығы - 1600 метр.