Ақтау тау массиві

Ақтау тау массиві - Сарыарканың орталық бөлігіндегі тау массиві, Жаңаарка ауданының шығысында, оңтүстік-батыстан оңтүстік-шығысқа қарай 20 км-ге созылып жатыр. Ені 10 км, биіктігі 1133 м-ге жетеді. Бірнеше қырқадан тұрады. Орталық және Шығыс қырқалары жоғарғы протерезойдың ақ кварцитінен, батыс қырқасы қызыл кварцитінен құралған. Қиыршық тасты,қара коңыр топырақта көбіне жусан, бетеге еседі. Тау аңғарлары шалғынды топырақты. Тауда бұлақ көп. Жайылым ретінде пайдаланылады.