Аққар мұнай кен орны
Аққар мұнай кен орны – Маңғыстау облысы Ақтау қаласынан солттүстік-шығысқа қарай 58 км жерде орналасқан. Кен орны 1986–88 жылдары барланып, 1989 жылы ашылды.
| Аққар мұнай кен орны | |
| 43°38′49″ с. е. 51°54′36″ ш. б. / 43.6470071° с. е. 51.9100571° ш. б. (G) (O) (Я)Координаттар: 43°38′49″ с. е. 51°54′36″ ш. б. / 43.6470071° с. е. 51.9100571° ш. б. (G) (O) (Я) | |
| Ел |  Қазақстан |
| Аймақ | Маңғыстау облысы |
| Ашылған уақыты | 1989 жыл |
| Жер қойнауын пайдаланушы | Маңғыстаумұнайгаз |
Геологиялық құрылымы
өңдеуОртаңғы триас кезеңінің тау жыныстарындағы күмбездің өлшемдері 3050 изогипс контуры бойынша 1,5×1,2 км, амплитудасы 60 м-дей. Коллекторлары аралас карбонатты, кеуектігі 10 – 17%, өткізгіштігі 1 – 47,7 мД. Мұнай иірімдері қабаты – күмбезді, біртұтас шомбал, тектоникалық қалқаланған, литологиялық шектелген[1].
Тығыздығы, құрнамы
өңдеуМұнайға қаныққандығы 59 – 78%, мұнайға қаныққан қабат қалыңдығы 2,6-19,2 м. Мұнайдың тығыздығы 0,847 – 0,887 г/см3, күкірт мөлшері 0,1%, парафин 19,1%-ға, асфальтендер 19,4%-ға, силикагел шайырлары 7,6%-дан 22,7%-ға жетеді.[2]
Дереккөздер
өңдеу- ↑ Маңғыстау энциклопедиясы, 4том
- ↑ Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1