Аңсары ауу

Тіркестегі алғашқы сөз, сырт қарағанда, тіліміздегі «сағыну» сөзінің синонимі —«аңсау» тұлғасымен түбірлес деуге тұрарлық. Алайда, «Түсіндірме сөздікте» бүл тіркестің мағынасы құштар болу, көңілі ауу дегенді аңғартып, өзге түсінікке сілтейді. «Аңсар» сөзінің төркіні жөнінде пікір айтқан авторлар да бар. Бірақ біз ол пікір жөнінде қалыспыз. «Аңсары ауу» тіркесіндегі «аңсар» төркінін басқа тілден іздестірген жөн. Моңғол тілінде: анхаарал — назар деген ұғымды меншіктенсе, енді бірде: анхаарал — назар, көңіл, ілтипат, ал анхаарах — көңіл бөлу, назар салу, еске алу; қарау мағыналарына мезгейді. Сөздің Моңғол тіліндегі түбірі — «анхаар» екендігі анық көрініп тұр. Моңғол тіліндегі «анхаар» тұлғасының біздің тілімізде «аңсар» болып өзгеріске түсуі әбден мүмкін. Осы дерекке сүйенсек, тіліміздегі «аңсары ауу» сөз тіркесінің түсініктірек түрі «назары ауу» болып шықпақ.

Аңсар (Désir), Аристид Майольдың мүсіні