Аң шаруашылығы

Аң шаруашылығы (звероводство) - сапалы тері өндіру мақсатымен қолда аң өсіретін мал шаруашьшығының дербес саласы. Аш. Қазақстаңда 1946 жылдан Алматы облысында дами бастады. Кейін Шығыс Қазақстан, Жамбыл, Ақмола, Павлодар, Солтүстік Қазақстан облыстарында а.ш.-мен кеңінен айналысты. А.ш.-да негізінен қара жөне қара-көк түлкі, әр түрлі түсті күзен және саз құндызы өсіріледі. А.ш. аң үш түрде өсіріледі: әр аң басы жеке не үйірімен торда ұсталатын - торда өсіру; аң басы ауқымды қоршалған жерде өсірілетін - еркін өсіру; ересек аналық жөне аталық аң торда, ал күшігі қоршалған жерде еркін өсірілетін – құрамды өсіру түрінде. Аң өсірумен арнайы құрылған а.ш.-мен қатар жеке тұлғалар мен жеке шаруалар да айналысады. Дербес а.ш., әсіресе, саз құңдызын өсіру тиімді болады: одан теріден басқа дәмді, ем-дәмдік қасиеті бар ет өндіріледі.Үлбірлі бағалы аңдар арнайы темірден жасалған торларда қолда өсіріледі.Қара күзен , көгілдір , күміс түсті түлкілер , бұлғын , сазқұндыз , ондатрлар-қолда өсірілетін аңдар.Олардан алынатын басты өнім-үлбір. Аң шаруашылығы көптеген шет елдерде жақсы дамыған.Біздің елімізде енді ғана дамып келеді.

Дереккөздер

< Ә.Байжұманұлы, К.Бекболатұлы . Мал шаруашылығы сөздігі. Алматы-2011. ISBN 978-601-7254-21-6/> [Аң шаруашылығы:]]