Пироплазмидтер (лат.Piroplasmidaе) немесе бабезиидтер (лат.Babesiidae) — қарапайымдардың бір тұқымдасы. Пироплазмидтерді споровиктер немесе саркодалар класына жатқызады. Пироплазмидтер мүйізді ірі қара, жылқы, есек, шошқа, ит т. б. сүт қоректілер эритроциттерінде паразиттік тіршілік етеді. Пироплазмидтерді кене тасымалдайды, қан клеткаларында жыныссыз жолмен көбейеді. Қанмен бірге кене денесіне түскен Пироплазмидтер жыныссыз көбейеді де, аналық клеткаға енеді. Жұмыртқа арқылы кененің келесі ұрпағына өтеді, онда ол әр түрлі теріге, оның ішінде сілекей бездеріне орналасады. Ақырында Пироплазмидтер қан сорған кенеден омыртқалы жануарларға жұғады. Пироплазмидтерге Babesia (емесе Piroplasma), Babesiidae (немесе Microbabasea) және Nutatallia туыстары жатады, бұлар жануарларды пироплазмидоз, бабезиоз, нутталлиоз деген қауіпті ауруларға шалдықтырады.
