Базарбай Әлеуханұлы

Базарбай Әлеуханұлы (1959 жыл. Қарағанды облысы, Жаңаарқа ауданы Қараағаш ауылы) – тележурналист, ақын, БКҚ топ-менеджері.. Қарағанды политехникалық институтын (1987 жыл), Орталық Азия институтын (2001жыл), Қазақстан – Ресей университетін бітірген (2006 жыл). Еңбек жолын 1980 жылы Қарағанды қаласындағы жылу жабдықтары зауытында шебер болып бастаған. Қарағанды облыстық «Орталық Қазақстан» газетінде тілші (1989 жыл), облыстық «Жезқазған туы» газетінде тілші (1991жыл), «Шапағат» шағын мемлекеттік кәсіпорнының директоры (1992 жыл), Жезқазған облыстық мемлекеттік мұрағаты директорының орынбасары, директоры (1994–95 жылдар), Жезқазған қаласы әкімінің баспасөз хатшысы (1997 жыл), 1999 жылдан бастап Жезқазған қалалық «Дидар» телерадиохабарын тарату дирекциясының директоры. «Нұр Отан» ХДП Жезқазған қалалық филиалының саяси кеңесінің мүшесі (2006 жыл). Қоғамдық негізде «Нұр Отан» ХДП Жезқазған қалалық филиалы төрағасының орынбасары және партиялық бақылау комитетінің төрағасы. Қазақстан Журналистер одағының мүшесі. ҚР Конституциясының 10 жылдығы, Елорда – Астананың 10 жылдығына арналған медальдармен, ҚР Президентінің Алғыс хатымен, Мәдениет және Ақпарат Министрінің Құрмет грамотасымен марапатталған.