Байболат Абайұлы Әубәкіров

Байболат Абайұлы Әубәкіров (5 қаңтар 1955 жыл, Павлодар облысы, Екібастұз ауданы, Екібастұз ауылы) - экономист, ғалым, қоғам қайраткері..

Арғын тайпасы Қанжығалы руынан шыққан.

Қарағанды мемлекеттік университетін бітірген (1983). Экономика ғылымының докторы. Тақырыбы "Қазақ зағиптар қоғамы" қоғамдық бірлестігіндегі оқу-өндірістік кәсіп-орындарың нарық жағдайына бейімдеу". Халықаралық Ақпараттандыру академиясының академигі (1995). Еңбек жолын 1977 жылы "Қазақ зағиптар қоғамы" бірлестігінің Алматыдағы №3 оқу өндірістік кәсіпорнында бастаған. 1981-1983 жылдары "ҚЗҚ" қоғамдық бірлестігінің Шудағы оқу-өндірістік кәсіпорынының директоры, 1983 жылы "ҚЗҚ" қоғамдық бірлестігі Орталық басқармасының төрағасы қызметіне сайланады. Байболат Әубәкіров зағип жандардың қосымша еңбек ортасына бейімделуіне теориялық және тәжірибелік аспектілерді ғылыми тұрғыдан зерттей келіп, 100 баспа табақ ғылыми жұмыстарын жарыққа шығарды. 4 монография, 17 брошюра және көптеген мақалалары бар. Ол өзінің ғылыми көзқарасы мен зерттеу нәтижелері жөнінде халықаралық, республикалық ғылыми тәжірибелік конференцияларда баяндама жасады. Әзірбайжан зағиптар қоғамының Құрметті мүшесі, 2007 жылы Еуропа Зағиптар одағының "Зағиптарды оңалту және еңбекке баулу" комиссиясының мүшесі. "Ауылым" әні Астананың тұсаукесер рәсімінде спорттық композиция ретінде қолданылған. "Ер Қазақ", "Астана" және т.б. әндері теледидардан беріліп, радиодан айтылған. Кейбір әндері ән конкурсына қатысып, жүлделі орындарға ие болған. Әубәкіровтің әндері республикамыздағы телевидение және радионың Алтын қорында сақтаулы. "Құрмет" орденінің иегері (2004), Астананың 10 жылдық мерейтойына арналған медальмен марапатталған (2008). Қазақстан Республикасының еңбек сіңірген экономисі.