Байляньцзяо

Байляньцзяо немесе Ақ лотос сектасы (қытайша - 白蓮教) - Қытайдың солтүстік және орталық аймақтарындағы буддашылардың құпия сектасы; шамасы Оңтүстік Сун әулеті (1127-1279) билік жүргізе бастаған кезде пайда болып, 19 ғасырдың басына дейін өмір сүрген.

Негізін монах Хой Юань құрған. 14 ғ-дың 2-ші жартысында басқа құпия буддашыл секталармен бірігіп, бұқаралық ұйымға айналды. Оның құрамына негізінен шаруалар, қолөнершілер кірді. 14 ғ-дың 2-ші жартысында секта моңғолдың Юань әулетіне қарсы қарулы күрес ұйымдастыруға белсене қатысты. Келесі ғасырларда шаруаларды талай рет көтеріліске бастады (1406 ж. Хубэдэ, 1418 ж. Шаньсиде, 1505 ж. Хэнанда, 1555566 ж. Сюй Хун-жудің басшылығымен Шаньдунде т.б.). Әсіресе 1796-1805 ж. көтеріліс күшті болды. Оны басқан кезде маньчжур-қытай феодалдары сектаның 20мыңнан аса мүшесін жазалап өлтірді.