Байімбет Көжабаев

Байімбет Көжабаев 1949 жылы 4 қаңтарда Павлодар облысы Григорьевка аулында туған. Қазақ.

Байімбет Көжабаев
Дүниеге келгені:	1949 қаңтар Павлодар облысы Григорьевка аулы

Әкесі - Көжабаев Қабылда, марқұм, ҰОС қатысқан. Анасы - Көжабаева Зүбайрам, марқұм, Еңбек әскеріне қатысушы. Ленинград консерваториясының профессор С.Р Рязанцевтің классын бітірген (1979), опералық-концерттік әнші, оқытушы.

Каир консерваториясының профессоры (Мысыр), Құрманғазы атындағы Қазақ ұлттық консерваториясының профессоры.

Қазақ, орыс, араб, итальян, неміс және ағылшын тілдерін біледі.

1979 жылдан бері - Абай атындағы Мемлекеттік академиялық опера және балет театрының солисі. 1983-1987 жылдары - Польшада жұмыс, ансамбль солисі болып жұмыс істеген. 2001-2003 жылдары - Каир консерваториясында оқытушы (Мысыр).

Бас партияларын орындайды: Сырттан - «Абай», Тайшық - «Аппамыс», Хазірет - «Ақан сері - Ақтоқты», Галицкий - «Князь Игорь», Малюта Скуратов - «Патша қалыңдығы», Музыка Базилио мен Бартоло - «Севилья цирюльнигі», Мельник- «Русалка», Рамфис - «Аида», Мофистофель - «Фауст», Монтероне - «Риголетто», Самуил - «Бал-маскарад», Барон - «Травиата», II Филипп, Ұлы инквизитор - «Дон Карлос», Бонза - «Чио-Чио-сан», Феррандо- «Трубадур», Цунига - «Кармен», Раймонд - «Лючия ди Ламмермур», Гремин - «Евгений Онегин». ҚР Еңбек сіңірген әртісі. Діни көзқарасы - мұсылман. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «XXI ғасыр - әл-ауқаттың жақсаруы, молшылық, өнердің өркендеуі». Хоббиі - аспаздық. Сүйіп оқитын әдебиеті - орыс классиктары, А. Құнанбаев, М. Әуезов.

Үйленген. ұлы, 2 немересі бар.