Байғұс

Бұл сөздің қазіргі мағынасы — бишара, бақытсыз сияқтыларды ұғындыратыны бәрімізге мәлім. «Кімге батар ол байғұс тартқан күйік» (Абай). Сөз төркіні парсы тілі. Онда: биһуш — санасыз, сезімсіз мағынасын береді, Иран тіліндегі түбір — һуш. Ал «би» түбір алдында келетін, біздегі «-сыз, -сіз» қосымшасы орнына жүретін буын, «Байғұс» сөзін қазақша айтсақ — санасыз, сезімсіз болмақ.