Байұзақ Қожабек

Байұзақ Қожабек (1929-2001) - 12 қарашада Алматы облысының Кегей ауданы, Кіші Жалаңаш кешені, Дөңгелексаз жайлауында туған. Қазақ мемлекеттік университетінің филология факультетінің журналистика бөлімін бітірген (1951).

1947—1949 жылдары «Коммунист» журналының қызметкері, 1949 —1967 жылдары Қазақ КСР Телевизия және радиохабар жөніндегі мемлекеттік комитетінде тілші, редактор, Әдебиет-драматургия редакциясының бас редакторы, Қазақ теледидарының бас редакторы, комментатор; 1958—1961 жылдары «Қазақфильм» киностудиясының аға ғылыми редакторы; 1967 —1968 жылдары Қазақ КСР-нің Баспа, полиграфия және кітап саудасы жөніндегі мемлекеттік комитетінің бөлім бастығы, 1968—1989 жылдары Қазақ Совет энциклопедиясында редакция меңгерушісі. 1992 жылдан жеке меншік «Ататек» баспасының директоры. «Тарихи наным» (А., «Ататек», 1994), «Қазақия» («Ата-тек», 1998) атты кітаптардың авторы. М.Кальманның «Бестерц қорғаны» романын (Қ.Әбілхановпен бірге), Ш.Уәлихановтың «Сот реформасы туралы жазбасын »(« Жазушы » жинақ, 1995); С.Куриловтың «Тундрада кездесеміз» повесін (Сақа жазушыларының жинағы, 1976), У.Теккерейдің «Күйкі тірліктің жәрмеңкесі» романын, Мүхаммед Бабырдың «Бабырнамасын»(«Жалын», 1990; «Ататек», 1993) аударған.