Балалардың демократиялық ұйымы
Ұйымның мақсаты өңдеу
Балалардың демократиялық ұйымы – балаларға демократиялық халықтар достығы, бейбітшілік рухында қоғамдық тәрбие берудің алғашқы сатысы. Балалардың демократиялық ұйымы – коммунистік және жұмысшы партияларының, прогресшіл кәсіподақ ұйымдарының басшылығымен өзінше қызмет атқаратын балалардың жаппай бірлестігі. Балалардың демократиялық ұйымы КСРО-да алғаш жеке коммунистік топтар ретінде дамып, 1922 ж. жас пионерлердің коммунистік ұйымы құрылды. Бірінші дүние жүзілік соғыстан кейін КИМ-нің үндеуі бойынша, балалардың демократиялық ұйымы Германия, Чехословакия, Венгрия сияқты Батыс Европаның біраз елдерінде, 1920 жылдардың орта шенінен бастап көптеген капиталистік елдер де құрыла бастады. 1930 жылдары реакцияның күшеюіне байланысты көптеген елдердегі балалардың демократиялық ұйымы жұмысын тоқтатты. Екінші дүние жүзілік соғыс кезінде, әсіресе фашизм күйретілген соң, балалардың демократиялық ұйымының жұмысы қайта жанданып, халық-демократиялық елдерінде кең өріс алды.
Өзге елдердегі ұйымдары өңдеу
Балалардың демократиялық ұйымы Франция, Норвегия, Италия, Англия, АҚШ, Жапонияда, сол сияқты 1955-1957 ж. Үндістан, Индонезия, Австралия, Африка және Латын Америкасы елдерінде де құрылды. Капиталистік және тәуелсіздікке ие болып өз еркімен дами бастаған елдердегі балалардың демократиялық ұйымы еңбекшілер мен балалардың құқығын қорғауда демократиялық прогресшіл ұйымдардың күресіне себін тигізеді. Балалардың демократиялық ұйымы Жастардың Халықаралық Демократиялық федерациясы және оның Жас өспірімдермен, балалармен жұмыс істейтін комитеті өткізетін халықаралық семинарлары мен кеңестеріне қатысып отырады. [1]
Дереккөздер өңдеу
- ↑ Қазақ Совет Энциклопедиясы. Алматы қаласы,1973 ж. 2-том, 124-бет