Балақаев атындағы көше (Алматы)

Балақаев атындағы көше (Алматы)

Көшеге қазақ тіл білімін дамытуға үлес қосқан тілші-ғалым, қазақ тілі мәдениеті мәселесін арнайы зерттеген, филология ғылымдарының докторы, профессор, Қазақ КСР Ғылым академиясының корреспондент-мүшесі, Қазақ КСР-інің еңбек сіңірген ғылым қайраткері, Ұлы Отан соғысының ардагері Мәулен Балақаевтың есімі (Алматы қаласы мәслихатының 6.03.2008 № 83 шешімі мен Алматы қаласы әкімдігінің 14.03.2008 № 2/139 қаулысы) берілген. Мәулен Балақаев (1907-1996) Оңтүстік Қазақстан облысы Түркістан өлкесінде дүниеге келген. Ол -«Қазақ тілінің грамматикасы», «Қазақ тілінің стилистикасы», «Қазіргі қазақ тілі», т.б. көптеген ғылыми еңбектердің авторы.

Көше Әуезов ауданындағы «Қалқаман-2» шағынауданында орналасқан. Перонная көшесінен басталып, Космодемьянск көшесіне дейін созылып жатыр. Земнухов, Мостовая көшелерімен қиылысады. Көшенің ұзындығы - 1200 метр.