Балтабек Мұқанұлы Қуандықов

Балтабек Мұқанұлы Қуандықов 1948 жылы 21 тамызда Гурьев облысы Мақат ауданы Мақат кентінде туған.

  • В.И. Ленин атындағы Қазақ политехникалық институтын (1971) инженер-геолог-мұнайшы мамандығы бойынша бітірген. Геология-минералогия ғылымдарының докторы. «Еуразия» Халықаралық экономикалық академиясының, Америка геологтары мен мұнайшылары қауымдастығының корреспондент мүшесі, Халықаралық минералды ресурстар академиясының толық мүшесі (2006). 10 монография мен 80-нен астам ғылыми мақаланың авторы.
  • 1971 жылдан- Биікжалдағы аса терең бұрғылайтын МБЭ инженер-геологы. 1975 жылдан - Қазақстан Компартиясы Гурьев облысы Ембі аудандық комитетінің нұсқаушысы. 1977 жылдан - Қазақстан ЛКЖО Гурьев обкомының хатшысы. 1979 жылдан - «Қазмұнайгазбарлау» геологиялық басқармасының (Гурьев қ.) аға геологы, бастықтың орынбасары. 1982 жылдан - «Гурьевмұнайгазгеология» бірлестігінің геология бөлімінің бастығы, 1986 жылдан - бас геологы. 1991 жылдан - ҚР Геология және жер қойнауын қорғау бойынша мемкомитетінің басқарма (Алматы қ.) бастығы. 1992 жылдан - ҚР геология және жер қойнауын қорғау министрінің орынбасары. 1993 жылдан - ҚР энергетика және отын ресурстары министрінің орынбасары. 1993 жылдан - «Қазақстанкаспийшельф» мемлекеттік компаниясының президенті (қоса атқарушы). 1997 жылдан - «Қазақойл» ЖАҚ вице-президенті (қоса атқарушы). 1997 жылдан - «Қазақойл» ЖАҚ президенті. 1998 жылдан - «Шеврон Оверсиз Петролеум» компаниясының (Калифорния, АҚШ) орталық кеңсесінде бас кеңес беруші. 2001 жылдан - «Нельсон Рисорсис Лимитед» компаниясының президенті. 2006 жылдан бері - «Меридиан Петролеум» компаниясының президенті.
  • «Құрмет» орденімен (1997) марапатталған. Қазақстанның өнеркәсібіне еңбегі сіңген қызметкер (1991). Қазақстандағы бірқатар мұнай-газ кен орындарын, оның ішінде Қарашығанақ, Кенбай, Имашев, Жаңажол, Әлібекмола, Арман кен орындарын ашуға қатысқан.
  • Хоббиі - елге саяхатқа шығу, фотосуреттерді жинау. Сүйіп оқитын әдебиеті - тарихи романдар, фантастика және шытырман оқиғалы туындылар.
  • Үйленген. Жұбайы - Қуандықова Ақтоты Бағитқызы (1948 ж. т.), геолог-мұнайшы. Қыздары - Сабина (1971 ж. т.), Сәуле (1973 ж. т.), Майя (1977 ж. т.), Айнұр (1986 ж. т.); ұлы - Алмас (1988 ж. т.).[1]

ДереккөздерӨңдеу

  1. Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2