Балым Серәліқызы Қожамқұлова

Балым Серәліқызы Қожамқұлова (5 қазан 1937 жылы туған, Алматы - 26 наурыз 2021 жылы қайтыс болған, Алматы) — скрипкашы, педагог, Қазақстанның еңбек сіңірген қайраткері(1998).

Балым Серәліқызы Қожамқұлова
Туған күні	5 қазан 1937 (1937-10-05)
Туған жері	Алматы
Қайтыс болған күні	26 наурыз 2021 (2021-03-26) (83 жас)
Қайтыс болған жері	Алматы
Ұлты	Қазақ
Қызметі	Скрипкашы
Әкесі	Серәлі Қожамқұлов
Марапаттары мен сыйлықтары	Қазақстанның еңбек сіңірген қайраткері
Сайты	http://kozhamkulova-bs.kz/

Өмірбаяны

• 1952 ж арнаулы жеті жылдық музыкалық мектебін бітірген.
• 1957 ж Алматы музыкалық училищесін бітірген.
• 1957-1958 жылдарында Алматы консерваториясында (қазіргі Қазақ ұлттық консерваториясы) оқыды.
• 1958-1963 ж Мәскеудің Гнесиндер атындағы музыка-педагогикалық институтында оқыды.
• 1975-1976 жылдарында Мәскеу консерваториясында тәжірибе жинақтаудан өтті.
• 1963 жылдан Алматы респ. муз. мектебінде (1963 - 74) скрипка бойынша педагог.
• Алматы өнер институтында скрипка бойынша педагог.
• 1973 жылдан Құрманғазы атындағы қазақ ұлттық консерваториясында аға оқытушы, скрипка кафедрасының меңгерушісі (1982 -1984), 1984 жылдан доцент, 1996 жылдан профессор қызметін атқарады.

Балым Серәліқызы Қожамқұлова Қазақстанның танымал халық артисі Серәлі Қожамқұловың отбасында дүниеге келді. Анасы - Хадиша да қазақ театр өнерінің жарық жұлдыздарының бірі. Туған әпкесі Балдырған Серәліқызы Қожамқұлова қазақтан шыққан тұңғыш палеонтолог ғалым, ал екінші әпкесі Рената Серәліқызы Қожамқұлова танымал тіл маманы.

Еңбектері

• «Типовые учебные программы на материале казахской музыки» (1965ж.)
• «Хрестоматия казахской скрипичной музыки» I және II бөлімдер (2000ж.)
• «Яков Иосифович Фудиман – основатель альтовой школы Казахстана» (2009ж.)
• «Работа над сонатами и партитурами Баха И.С. в классе народного артиста России, профессора Фихтенгольца М.И.» (2012ж.)
• «Хрестоматия казахской скрипичной музыки в 3 х частях» (2020ж.)

Шәкірттері

Оқытушылық қызметі жылдарында Б.С. Қожамқұлова жоғары білімді 85 студентті, 10 аспирант және магистрантты, орта-арнаулы білімді 15 түлекті дайындады. Қазақстанның музыкалық мәдениетінің мақтанышы болып табылатын көптеген скрипкашыларды тәрбиелеп шығарды, олардың ішінде концертмейстер Абай атындағы МАОБТ концертмейстері – Ш. Төлепқалиева, «Астана Опера» концертмейстері – А. Байкенова, ҚазҰӨУ профессорлары А.К. Қармысова, Д.Ж.Жұмабекова, Құрманғазы атындағы ҚҰК профессоры С.С. Жүсіпова, профессор, солист және дирижер А.Г. Пьянковский, И.Рахимова-Фрадкина, В.Тен, М.Фрадкин және басқалар бар.