Балқаш шөгінді алабы

Балқаш шөгінді алабы - геологиялық тұрғыдан өзімен аттас ойыспен байланысты. Оның шекаралары: шығысында және оңтүстігінде - Жетісу Алатауының қатпарлы құрылымдары, батысында - Шу-Іле қатпарлы құрылымы, солтүстігінде - Балқаш көлі. Алаптың ауданы 540x90-240 км.

Геологиялық құрылымы

Мезозойға дейінгі түзілімдердің беті мұнда 1 км тереңдікте орналасқан. Мезозойға дейінгі таужыныстардың заттық құрамы алаптың орталық бөліктерінде әзірге белгісіз, бұлар әдетте іргетас ретінде қаралады. Алап юра қатқабаттарында көмір кенорындарының ұшырасуымен сипатталады, бұл қатқабаттар палеоген мен неогеннің қалыңдығы 300 м-лік құмды-гравийлі, құмды-сазды]және құмды таужыныстарымен көмілген. Алаптың құрылымдық жіктелу дәрежесі нашар. Жоғарғы палеозойға тиесілі таужыныстардың мұнай мен газға деген перспективалары күмәнді.