Балқия (пьеса)

БалқияМіржақып Дулатұлы жазған 4 перделі драма. 1922 жылы Орынборда басылып шыққан.

Пьесада «Бақытсыз Жамалдағы» сияқты қалыңмалға қарсы, өзінің бас бостандығы жолында белсенiп әрекетке шыққан қыздың тағдыры көрсетіледі. Балқияның басындағы хал дәл баяғы Жамалдың басында болған жағдаймен бірдей. Мұны да әкесі жасында болыстың баласына, қыздың өзі сүймейтін, теңдесі емес бір нашар жігітке айттырып, қалыңмалын алып қойған. Бірақ пьесадағы Балқия бейнесі Жамалдан өзгеше, өзінің тағдырына өз көзқарасы әбден қалыптасқан, шешімі берік. Сол жолда істен де, сөзден де тайынбайтын бекем, бірбеткей. Сахнада алғаш көрсетілген қыз монологынан біз осыны байқаймыз:[1]

Дүниеде қыздай сорлы бар ма екен?! Кім мал берсе, соған кете бергені. Қалыңмалды шығарған қандай көріңде өкіргір екен... Батасыз кеткірлер, баталарың бұзылмақ түгіл тас-талқан болсын... Өмірімше күңдікте жүрерім жоқ.

КейіпкерлерӨңдеу

  • Жарасбай — дәулетті адам, жасы 68-де.
  • Өлмес — оның тоқалы, жасы 33-те.
  • Балқия — Жарасбайдың қызы. Ақылды, ашық ойлы, жасы 19-да.
  • Мұрат — Жарасбайдың ұлы. Мұғалімнен оқып жүрген, жасы 11 -де.
  • Қасым — осы ауылдағы жадит мұғалімі. Пікірлі, халықшыл жігіт, жасы 25-те.
  • Нұрмақ — кедей, есті адам, жасы 44-те.
  • Сағила — Жарасбайдың інісінің қызы, жасы 17-де.
  • Молда — ескі пікірлі, өзімшіл, қиянатты надан, жасы 47-де.
  • Бектұрсын — болыс пен молдаға жарамсақтанып жүретін ақсақал, жасы 57-де.
  • Көпжасар — даукес, пасық адам, жасы 40-та.
  • Болыс — бай, жебір, зорлықшыл адам, жасы 53-те.
  • Тілмаш — болыспен жемтіктес, сұм жігіт, жасы 31-де.
  • Бұзаубақ — болыстың шабары, алаңғасар, жасы 25-те.
  • Қамбар — молданың атшысы, жасы 26-да.
  • Ахметжан — Учитель. Қасымның досы, жасы 24-те.
  • Құлтас — Қасым, Ахметжанмен пікірлес, жасы 22-де.
  • Пристав — болыстан пара алып жүрген тамыры, жасы 32-де.
  • Полицейский — жасы 29-да.

ДереккөздерӨңдеу