Бал жинау

Бал жинау (медосбор) - бір бал ара үйірінің бір маусымда гүл шірнесі мен тозаңынан жинайтын бал. Ара бал сауытына өз салмағының жартысындай шірне жинауы мүмкін. Жұмыскер ара жинаған шірнесін ұядағы жас араларға қалдырып, қайта жинауға ұшып кетеді. Жас аралар шірнені тор көзшелерге қояды, ұяны желдетіп, артық ылғалды жояды. Араның сілекей безі шірнедегі қант құрамын өзгертіп, оны балға айналдырады. Көзшелер балға толғаннан кейін ара оларды балауызымен желімдейді. Бүл балдың ұзақ сақталуын қамтамасыз етеді. Б.ж. өнімділігі ара үйірінің күйіне, ауа-райына, өсімдіктердің ерекшеліктеріне және олардың омартаға алыс-жақындығына байланысты. Қазақстан жағдайында әр ұядан орта есеппен жылына 15 кг-ға дейін, жекелеген атақты бал ара өсірушілер -180 кг-ға дейін бал жинайды.

Дереккөздер

< Ә.Байжұманұлы, К.Бекболатұлы . Мал шаруашылығы сөздігі. Алматы-2011. ISBN 978-601-7254-21-6> Ауыл шаруашылығы: