Бангладеш Ұлттық футбол құрамасы

Бангладеш Ұлттық футбол құрамасы — Халықаралық футбол жарыстарында Бангладештің намысын қорғайтын құрама. Басқарушы орган — Бангладеш Футбол Федерациясы.

Бангладеш Ұлттық футбол құрамасы
Логотип
Лақап аты	Бенгаль барыстары
Конфедерация	Азия Футбол Конфедерациясы
Федерация	Бангладеш Футбол федерациясы
Бас бапкері	Джейми Дэй
Капитаны	Мамулул Ислам
Ең көп ойын саны	Кази Салахиддин
Үздік бомбардир	Нихил Рамакришнан
ФИФА рейтингі	197 (18 мамыр 2018)
Формасы
Негізгі форма Қонақтық форма
Бангладеш 2 — 1 Мальдивтер (Малайзия; 26 шілде, 1973 жыл)
Бангладеш 8 - 0 Мальдивтер (Бангладеш; 21 желтоқсан, 1985 жыл)
Оңт. Корея 10 : 0 Бангладеш (Оңт. Корея; 16 қыркүйек, 1979 жыл)

Тарихы

Құрама 1972 жылы тәуелсіздік алған соң құрылды. Алғашқы ойынын 1973 жылы Мальдив Республикасына қарсы өткізіп, 2:1 есебімен жеңіске жетті. Келесі жылы ФИФА мен Азия Футбол Конфедерациясына мүше болды.

1980 жылы Азия кубогының финалдық турниріне жолдама алды. Қытай, Сирия, КХДР, Иран құрамаларымен бір топқа түсіп, төрт ойынның төртеуінде де ұтылып қалды. Содан кейін құрама қайтадан Азия кубогына қатысқан емес.

Ешқашан әлем чемпионатына қатыспаған.

Аймақтық жарыстарға жиі қатысып тұрады. 2003 жылы Оңтүстік Азия турнирінде чемпион атанды.

Жетістіктері

• Оңтүстік Азия ойындарының жеңімпазы: 1999, 2010
• Оңтүстік Азия чемпионатының жеңімпазы: 2003
• Бангладеш президенті алтын кубогының жеңімпазы:1989

Әлем чемпионаттарында

Футболшылары 1947 жылға дейін Британдық Үндістан, 1972 жылға дейін Пәкістан құрамаларының сапында ойнаған. Алғаш рет 1986 жылғы әлем чемпионатының іріктеуіне қатысты. Әзірше финалдық турнирге жолдама алған емес.

Сілтемелер

• ФИФА сайтындағы профилі Мұрағатталған 14 қарашаның 2012 жылы.