Бань Чао

Бань Чао, қытайша 班超 (32-102) - Ежелгі Қытайдың қолбасшысы, генерал және Шығыс Хань әулетінің дипломаты.

Бань Чаоға Қашғардағы ескерткіш

Шэньсида (Xianyang) б.з. 32 ж. туған. Отбасының үш мүшесі - әкесі Пан Бяо, үлкен ағасы - Бань Гу, кіші қарындасы Пань Чжао «Ертедегі Хань әулетінің тарихы» кітабын жазғанымен аттары данққа бөленген.

Бань Чао отбасы

• Пан Бяо ( 班彪 ; 3-54; әкесі)
  • Бань Гу ( 班固 ; 32-92; бірінші ұлы)
  • Бан Чао ( 班超 ; 32-102; екінші ұлы)
    • Пан Сюн ( 班雄 ;?- 107 ж.ш.;Бан Чаоның үлкен ұлы)
      • Пан Ши ( 班始 ;? -130; Пан Сюнның ұлы)
    • Пан Ен ( 班勇 ;?-127 ж.ш. ; Бан Чаоның екінші ұлы)
  • Пан Чжао ( 班昭 ; 45-116; Пан Бяоның қызы).

73 ж. әскери-дипломатиялық өкілдікпен Шығыс Түркістанға («Батыс өлкеге») жіберілді. Жергілікті халықтың Ғұн (хунну) тайпасы үстемдігіне қарсы наразылығын пайдаланып, ол Шығыс Түркістанның өз алдына мемлекет болған қалаларын уақытша бағындырды. 90 ж. Кушан патшалығының әскерін талқандап, 91 ж. ғұндарды біржолата жеңді. Бань Чао жеңісі Қытайдың Ұлы жібек жолы арқылы батыспен сауда, мәдени байланысын өрістетуге мүмкіндік туғызды.