Бард Биділдің ертегілері

	Бард Биділдің ертегілері;
Авторы	Дж. К. Роулинг
Жанры	фэнтези
Түпнұсқасы
Тілі	ағылшынша
Атауы	The Tales of Beedle The Bard
Қазақша басылым
Аудармашы	(қазақ тіліне аударылмаған)
Баспасы	Children's High Level Group
Медия типі	кітап
Безендіруші	Дж. К. Роулинг
Беттер саны	110
Серия	Гарри Поттер (романдар сериясы)
	өңдеу

Бард Биділдің ертегілері (ағылш. The Tales of Beedle The Bard) — Дж. К. Роулинг жазған ертегілер жинағы. Дж. К. Роулинг Гарри Поттер және Ажал Сыйлары кітабын бітірген соң осыны жеті дана етіп өз қолымен жазып шыққан. 4 Желтоқсан 2008 жылы кітап бір уақытта 25 елдің ана тілдерінде жарық көрді.

Шынайы кітап

Джоан К. Роулинг кітапты Гарри Поттер әлемімен қоштасу ретінде жазған. Алғашында кітаптың тек 7 данасы ғана шығарылған, олардың барлығын Роулингтің өзі жазып шыққан. Олардың барлығы былғарымен түптеліп, күміс және жартылай асыл тастармен безендірілген. Алты данасын Дж. К. Роулинг өзіне жақын адамдарға тарту еткен: Дэниел Рэдклиффке, өзінің ең алғашқы әдеби агенті Кристофер Литтлге және т.б. Жетінші дана, "moonstone edition", 13 Желтоқсан 2007 жылы Сотбис аукционына қойылған. Сатылымнан түскен пайда еуропалық балаларға көмектесетін The Children's Voice ("Балалар дауысы") қайырымдылық ұйымына құрбандық етілді. Кітап £50,000 сатылады деп күтілген еді (шамамен 100 мың доллар). Ал іс жүзінде ол £1,950,000 сатылды (шамамен 4 млн доллар). Сатып алушылар Amazon.com атынан келген лондондық арт-делдалдар екен.

Ертегілер тізімі

Жинаққа Дж. К. Роулинг ойлап шығарған бес ертегі кіреді:

Сиқыршы мен секіргіш қазан / The Wizard and the Hopping Pot
Әділ Фортунаның бұрқағы / The Fountain of Fair Fortune
Жадыгөйдің түкті жүрегі / The Warlock’s Hairy Heart
Отшашпа қоян мен оның қақылдағыш тұқылы / Babbitty Rabbitty and her Cackling Stump
Үш ағайынды туралы ертегі / The Tale of the Three Brothers

Кітаптың иесі болған Amazaon.com бес ертегіні өз сөздерімен жазып, жария етті. Мәтінін не беттердің фотокөшірмелерін жариялауға сайттың құқықтары болмады.

Бард Биділдің ертегілері Гарри Поттер және Ажал Сыйлары кітабы мәтінінде аталады, ал Үш ағайынды туралы ертегінің мәтіні Гарри Поттер туралы жетінші кітапта тіпті келтіріледі де.

Гарри Поттер және Ажал Сыйлары кітабындағы рөлі

Альбус Дамблдор бард Биділдің ертегілер жинағын Гермиона Грейнджерге мұраға қалдырады. Үш дос Дамблдор мұраға қалдырған заттарды Сиқыр министрі Руфус Скримджердің қолдарынан директордың өлімінен бір ай өткен соң алады. Ай бойы Сиқыр Министрлігі неге Дамблдор бұл оғаш заттарды балаларға мұра еткенін түсінбей, қандай да бір құпия бар-жоғын тексереді. Ешнәрсе таппаған Министрлік заттарды заңды иемденушілеріне тапсыруға мәжбүр болады.

Сол күні кешке үшеу бір бөлмеге кіріп алып, Дамблдор мұра еткен заттарды әңгіме етеді. Гарри мен Гермиона ертегілер жиынтығы туралы бұрын ешнәрсе естімеген (өйткені Гермионаның ата-анасы — маглдар, ал Гарри ата-анасынан сәби кезінде айырылған), алайда Рон бұл сиқыршылар кішкентай балаларына оқып беретін қарапайым ертегілер жинағы екенін айтады. Ронның айтуынша, барлық ескі сиқыршылар ертегілерін Биділ шығарған-мыс. Хикаяның ортасында үш ағайынды туралы ертегінің үстінде Гермиона оғаш әрі түсініксіз рунаны көреді де оны Гарриге көрсетеді. Гарри Гермионаға дәл осындай белгіні Ксенофилиус Лавгудтың бойтұмарында көргенін және Виктор Крамның ол Геллерт Гриндеуолттың нышаны дегенін айтып береді. Дәл осындай нышанды олар Годрик Ойпатына барғанда Игнотус Певерелдің қабірінде көреді. Сол нышанды Альбус Дамблдор Гриндеуолтқа жазған хатының соңында қойған.

Басқа екеуі туралы мәлімет жоқ болған соң, ал үшінші зат туралы айғақ аз болған соң, сиқыршылардың көпшілігі "Үш ағайынды туралы ертегіні" жай ғана балалар ертегісі деп есептейді. Тек кейбіреулер ғана (солардың ішінде Ксенофилиус Лавгуд те бар) Ажал Сыйлары бар екендігіне сенеді. Бұл сиқыршылар өздерінің танымбелгісі ретінде Ксеновил Лавгудтың мойнындығы, Дамблдордың хатындағы, "Үш ағайынды туралы ертегі" алдындағы және т.б. жерлердегі белгіні таңдап алады.

Әрмен қарайғы сюжет желісі Ажал Сыйлары мен кросақшыларға негізделген.

Дереккөздер

Сілтемелер

http://www.amazon.com/gp/feature.html/ref=amb_link_6059972_2?ie=UTF8&docId=1000179911&pf_rd_s=center-0
http://www.sothebys.com/en/notfound.html Мұрағатталған 14 қаңтардың 2016 жылы.
http://news.bbc.co.uk/2/hi/entertainment/7072086.stm
http://bilet.hdd1.ru/tales/ Мұрағатталған 26 шілденің 2014 жылы.