Баритон

Баритон (италянша barіtono) — 1) бас пен тенордың арасындағы дауыс. Лирикалық және драммалық Баритон болып бөлінеді. Операда Баритон дауыспен, көбіне, ақыл-ой тереңдігімен, қаһармандық күш-жігерімен ерекшеленетін басты немесе жетекші партиялар орындалады. Мысалы, Абай (А.Жұбанов, Л.Хамиди, “Абай” операсы), Жалбыр (Е.Брусиловский, “Жалбыр” музыкалық драмасы), Қожағұл (М.Төлебаев, “Біржан — Сара” операсы) партиялары Баритонға арналып жазылған; 2) Виола тектес ішекті аспапты, саксагорн түрлеріне жататын үрлемелі аспапты да Баритон дейді; 3) үрлемелі аспаптардың (мысалы, саксафон Баритон, баритондық гобой, т.б.) түрі. ^[1]