Бастуайт Приоз ауданы

Бастуайт- тау, биік. 789,4 м, бұрынғы Приоз ауданынды орналасқан. Е. Қойшыбаев пікірінше: " түр. басту" (<бас+тау>) +ай +т: бастуайт, яғни "бастаудағы айлар" мағынасын беретін этнотопоним. Біздің ойымызша, бұл түсінік жаңсақ, шындыққа жанаспайды. Атау бас және туайт деген екі сөздің бірігуінен жасалған. Оның бірінші компоненті бас "басқы, негізгі, жоғарғы" мәнін білдірсе, екінші компоненті Таулы Алтай, Шығыс түркі тілдеріндегі Табат топонимінің параллелі, негізінде моңғолдың давтой- "жоталы, төбелі, қырлы" сөзінен болуға тиіс. Демек, Бастуайт топониміндегі туайт сол dobutai сөзінің фонетикалық тұрғыдан өзгерген түрі. Олай болса, топонимінің мағынасы: "негізгі, басты төбелер мен жота қырлар" болуы ықтимал.