Басқасауын

Басқасауын- тау, Жаңаарқа ауданы. Бас (зат есім) + қасауын (зат есім) сөздерінің бірігуінен жасалған атау. Топонимнің бірінші компоненті бас " басқы, жоғарғы, алдыңғы, бастапқы", "негізгі" мағынасын білдірсе, оның екінші компоненті қасауын сөзінің этимологиясы белгісіз. Көне түркі тілінде Qasuj деген өзен аты болғаны белгілі. Соған қарағанда ескі замандарда осы тау етегіндегі өзен аты Qasuj аталып, тау аты сол өзен атымен Басқасауын аталуы мүмкін. Ал Qasuj атауы кейінгі этаптарда қасауын формасына бейімделіп кетуі тарихи құбылыс болса керек.