Батава республикасы

Батава республикасы, нидер. Bataafse Republiek, фр. République Batave (1795-1806 ж.) - Нидерланд жеріндегі республика. 1795 ж. қаңтарда бұл жерге франция республикасының әскерінің кіруі және жергілікті халықтың көтерілісі (1795 ж. қаңтар - наурыз) нәтижесінде құрылды.

{{{атауы}}}
← →

Республика ежелгі заманда Нидерланд жерін мекендеген батавалардың атымен аталды. Қалың бұқара қолдаған ұсақ және орташа буржуазия ірі сауда буржуазиясымен қиян-кескі күрес жүргізді. Сайлауда (1798 ж. қаңтар) басым дауыс алған радикалды топтар консерваторларды өкімет басынан ығыстырып, конституция (1798 ж.) ұсынды. Оған сәйкес елдегі феодализм қалдығы жойылды. 1798 ж. маусымдағы реакциялық төңкеріс буржуазия-демократиялық шараларды жүзеге асыртпады. 1806 ж. мамыр-маусымда Наполеон І Батава республикасын Голландия корольдығына айналдырып (1806-1810 ж.), өзінің бауыры Луи (Людовик) Бонапартты король етіп жариялады.