Батпақтандыру

Батпақтандыру — жер астында пайдалы қазыналардың өздігінен тұтануы нәтижесінде пайда болатын өрттерді сөндіру және оның алдын алу үшін қолданатын тәсіл. Ол үшін күні бұрын бұрғыланған ұңғылар арқылы жер асты қазбаларына сумен қойыртпақталған саз балшық пен құм түсіріледі. батпақтандыру мақсатына қарай: алдын алу және апаттық болып ажыратылады. Алдын алу қуыстар мен жарықшақтарды тығындап толтырып, қазбаларға ауаның кіруін тоқтатады. Қойыртпақпен қуыстарды түгелімен немесе жартылай толтырады. Апатты өрт алқабын айналасынан оқшаулау үшін ұңғы арқылы жер үстінен немесе жер асты қазбаларынан қойыртпақ жіберіп бөліп тастайды. .