Батухан Әбдікәрімұлы Бәйменов

Батухан Әбдікәрімұлы Бәйменов (1955 жылы туған) - график-суретші.

Қазақстанның 70 жылдық мерекесіне арналған республикалық көркемсурет көрмесіне оның «Абай шығармаларының әуені бойынша» графикикалық топтама жұмысы (1986; қағаз, линогравюра, автордың жеке қоры) қойылды. Топтамадағы «Наурыз», «Қаңтар», «Маусым» деп аталатын жеке беттері жанрлық сипатта, салтанатты да мұқият баяндау жолымен шешім тапқан. Оның гравюрасындағы халық тіршілігінің көріністері Абай өлеңдерінің мазмұнымен үндес келеді. «Наурыз» топтамасында ұлан-ғайыр тойға сүйсіне қарап тұрған ақын бейнесі сомдалған.