Батыс Қазақстан геология басқармасы

Батыс Қазақстан геология басқармасы - Қазақ КСР Геология министрлігінің Батыс Қазақстанда мұнай-газ кенорындарын із- дестіру мен барлауға мамандандырылған, геология барлау кәсіпорындарын біріктірген басқару мекемесі. "Қазақстанмұнайбарлау", "Маңғыстаумүнайбарлау", "Ақтөбемұнай барлау" трестерінің негізінде 1958 жылы құрылды. Басқарма Атырау қаласында орналасты. Жұмыс істеген жылдары Маңғыстаудың ең ірі кенорындары Жетібай мен Өзен, Ақтөбе облысындағы Кенқияқ, Прорва тобының кенорындары ашыл- ды. Мұнай мен газ іздестіру мен барлауға мамандандырылған мекемені жандандыру мақсатында 1970 жылы басқарма таратылып, Атырау аймақтық ірілендірілген мүнай барлау экспедициясы құрылды.