Баусексеуіл төрткүлі

Баусексеуіл төрткүлі - ортағасырлық қоныс орны. Ызакөл ауылынан оңтүстік-шығысқа қарай 1 км жерде орналасқан.

2002—03 жылы Отырар мемлекеттік археологиялық қорық музейі мен Шымкент қаласы Археология және этнология ғылыми-зерттеу орталығының археологиялық экспедагогикалық (жетек. С.Ахмет, З.Исабек) зерттеген. Қазіргі орны бұрыштары әлемнің төрт тарапына бағытталған төбе. Әрбір қабырғасының ұзындығы 170х170х 170x150 м, биіктігі 1 мх70 см аралығында. Қорған қабырғалары табиғат әсерінен өбден мүжіліп, жайылып кеткен. Сондықтан қабырға жалпақтығы 4—16 м аралығында. Қорғанда 10 мұнара орны бар. Ескерткіштің қақ ортасының ені 5 м, тереңдігі 10 м арық кесіп өткен. Арық ортасында диаметрі 32—36 м ауыз орналасқан. Қорғанды айналдыра қазылған арық орны сақталған. Батыс бұрышында ауданы 28x30 м, биіктігі 90 см келетін төбе орналасқан. Жинастырылған материалдарға қарағанда ескерткішті халық 8—12 ғасырларда мекендеген. Олар егін егіп, мал өсірумен айналысқан.