Бауыржан Амангелдіұлы Ердембеков

Бауыржан Амангелдіұлы Ердембеков (1974 жылы Шығыс Қазақстан облысы, Жарма ауданы, Асқаралы ауылы) – филология ғылымдарының докторы, профессор.

Қазақ әдебиетінің тарихы, абайтану, шәкәрімтану, әуезовтану, әдеби өлкетану мәселеріне арналған 170-тен аса ғылыми және ғылыми-танымдық мақалалар мен баяндамалардың, соның ішінде 2-монография, 1-оқулық, 6-оқу құралы, 2-оқу-әдістемелік құралдың авторы.
Негізгі ғылыми енбектері:

• «Әріп ақын» (монография, 2001),
• «Семей өңірінің ақын-жазушылары» (арнаулы курс материалдары, 2003),
• «Қазақ әдебиетінің тарихы. ХІХ ғасырдың соңы – XX ғасырдың басындағы кезең» (оқу-әдістемелік нұсқау, 2004),
• «XX ғасыр басындағы қазақ әдебиеті» (оқу құралы, 2006),
• «Тәңірбергенұлы Ә. Шығармалары» (өлеңдер, айтыстар, қисса-дастандарды құрастырушы, 2006),
• «Ә.Тәңірбергенұлының әдеби мұрасы (оқу құралы, 2007),
• «Абайдың әдеби ортасы» (монография, 2008),
• «ХІХ ғасырдың соңы – XX ғасырдың басындағы қазақ әдебиеті» (оқу құралы, 2008),
• «Абайтану» (Абайдың әдеби айналасы. 1-кітап. Оқу құралы, 2010),
• «Абайтану» (Абайдың ақындық мектебі. 2-кітап. Оқу құралы, 2010),
• «Ғасырлар тоғысындағы қазақ әдебиеті» (2010),
• «Абайтану» (оқу құралы, 2012),
• «Бұл өлең шыққан екен бірталайдан...» (2013),
• «Алтай-Тарбағатай өңірінің сөз зергерлері»,
• «Алаштың ақиығы ‒ Әріп қыран» (2014).

Сонымен қатар, мемлекеттік тапсырыспен шығатын жоғары оқу орындарына арналған «Қазақ әдебиеті» (2012) оқулығы авторларының бірі.
Алған мемлекеттік сыйлықтары:

• «Қазақстан Республикасының ғылымын дамытуға сіңірген еңбегі үшін» төс белгісінің иегері (2009),
• «ЖОО-ның үздік оқытушысы» мемлекеттік грантының иегері (2009),
• «Қазақстан Республикасының тәуелсіздігіне 20 жыл» мерекелік медалінің иегері (2011),
• «Моңғолия білім беру ісінің үздік қызметкері» медалінің иегері (2013).