Баға революциясы

Маңызы

Баға революциясы - ақша қызметін атқаратын асыл металдар құнының төмендеуі нәтижесінде өнім бағасының күрт жоғарылауы. Алғашқы «Баға революциясы» 16 ғасырда Америка құрлығы ашылғаннан кейін, Еуропа елдеріне алтын мен күмісті көптеп әкелуден пайда болды. Осының салдарынан Еуропа өнім бағасы 1-3 есе өсті. Бұл жұмысшылардың нақты жалақысының төмендеуіне және қанаудың күшеюіне әкеліп соқты. «Баға революциясы» капиталдың алғашқы қорлануы деп аталатын дәуірде жаңа туып келе жатқан өнеркәсіп буржуазиясының баюына мүмкіндік берді. Калифорнияда, Австралияда, Оңтүстік Африкада 19 ғасырдың 50-60жылдарында аса бай алтын кен орындарының ашылуы тағы да жаңа «Баға революциясын» туғызды. 1849 жылдан кейінгі 15-20 жыл ішінде өнім бағасы 25-50%-ға көтеріліп, жұмысшылардың тұрмыс жағдайын мүлде нашарлатты.