Бағдарламалық жабдықтама
Бағдарламалық жабдықтама, математикалық жабдықтама — ЭЕМ-нің автоматты түрде жұмыс істеуін қамтамасыз ететін бағдарламалар мен нұсқаулар жиынтығы. Ол базалық Бағдарламалық жабдықтама және қолданбалы Бағдарламалық жабдықтама болып ажыратылады. Базалық Бағдарламалық жабдықтама — жүйелі Бағдарламалық жабдықтама деп, ал оның құрамына енетін бағдарламалар жүйелі бағдарламалар деп те аталады. Әдетте, базалық Бағдарламалық жабдықтамаға операциялық жүйе, бағдарламалау жүйесі және деректер базасын басқару жүйесі жатады. Дербес ЭЕМ мен терминалдың дамуына байланысты базалық Бағдарламалық жабдықтаманың құрамына интерфейс те енеді. Қолданбалы Бағдарламалық жабдықтама көп түрлілігімен ерекшеленеді. Ол базалық Бағдарламалық жабдықтама сияқты ЭЕМ-нің құрамына енбейді, әр пайдаланушының қажетіне қарай сатылып алынады. Мұндай Бағдарламалық жабдықтама стандартты бағдарламалардың кітапханасы, сондай-ақ, нақты қолдануға арналған жеке бағдарламалар түрінде жасалынады.[1]
Дереккөздер
өңдеу- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, I том
| Бұл мақаланы Уикипедия сапа талаптарына лайықты болуы үшін уикилендіру қажет. |