Бағыныштылық

Бағыныштылық– 1) талап пен тәртіп дағдысы, қалпы; 2) өзара қарым-қатынаста бір жақтың өзіне қарсы жақ үстемдігін мойындауы, билік қысымы арқылы ортада теңсіздіктің сақталуы. Оған билік ресурсының бірден бөлінбеуі себеп болады. Яғни, Бағыныштылық теңсіздік орнықтырып, таңдау еркіндігін шектейді. Ел мойындаған, еңбек арқылы келген беделге адам зорлықсыз, үрейсіз бағынады. Жетекші мен бағынушының мүшесі және бағдары ұқсас, үйлесімді болса, екі жақ та адамдық қасиетті тең ұстайды. Ондайда бағынуға үйренген дағды, бағынудың қажеттігін мойындау, бұйрықты орындауға ыңғайластық қалыптасады. Бірақ бағыну мен бағындыру кез келген қызметтің субъектісі мен обьектісіндей салыстырмалы сипатта болады. Олар әрқашан орын алмастырып жатады.