Бақтыбай Әшімбекұлы Қасымбеков

Бақтыбай Әшімбекұлы Қасымбеков (19 сәуір 1958 жыл, Түркістан облысы Сарыағаш ауданы) - ҚР Білім және ғылым министрлігі Білім және ғылым саласын бақылау комитетінің профессоры (2003 жылдан), Халықаралық инженерлік академиясының академигі (Мәскеу қ., 2003 жылдан), Ұлттық ғалымдар академиясының, Ұлттық инженерлік академияның, Жаратылыстану ғылымдары академиясының құрметті академигі («Калий» (Мәскеу қ., 2000), Техника ғылымдарының кандидаты (1985), докторы (2003).

Шанышқылы тайпасының Шошым руынан шыққан.

Білімі

• Ленсовет атындағы Ленинград технологиялық институтының инженерлік-кибернетикалық факультетін (1980) бітірген.;
• Мәскеу Жоғары мемлекеттік патенттеу және өнертабыс институтын (1981) патенттеуші мамандығы бойынша бітірген;
• Қазақ мемлекеттік заң академиясын (Шымкент қ., 2004) құқықтанушы мамандығы бойынша бітірген.

Қызмет жолы

• 1981-1985 жылдары - КСРО ғылым академиясының Н.С. [[Курнаков атындағы жалпы және неорганикалық химия

институты]]ның аспиранты (Мәскеу қ.).

• 1981 жылдан - Қазақ химия-технологиялық институтының «Химия өндірістерінің машиналары мен аппараттары» кафедрасының оқытушысы, ғылыми қызметкері (Шымкент қ.).
• 2000 жылдан - Химиялық технология және өнеркәсіп экологиясы ғылыми-зерттеу институтының ғылым жөніндегі директордың орынбасары.
• 2002 жылдан - ҚР Мемлекеттік қызмет істері агенттігінің Кадрлық қамтамасыз ету департаменті директорының орынбасары.
• 2004 жылдан - ҚР ІІМ Тыл департаменті бастығының орынбасары.
• 2006 жылдан - ҚР Қоршаған ортаны қорғау министрлігі аппаратының басшысы.
• 2007 жылдан - ҚР Премьер-министрі Кеңсесінің бас инспекторы.
• 2010 жылдан бері - ҚР білім және ғылым вице-министрі.

Марапаттары мен шендері

• Қауіпсіздікті қамтамасыз ету саласында мемлекетаралық байланыстарды күшейткені және дамытқаны үшін Андропов атындағы орденімен марапатталған (Мәскеу қ., 2005).
• Әскери атағы - запастағы полковник.

Еңбектері

• Техника ғылымдарының кандидаты (1985), докторы (2003). Докторлық диссертациясының тақырыбы: «Фракциялық кристалдау кезінде аса таза заттектер алу үдерісінің ғылыми негіздері».
• «Химия бойынша есеп айырысу тапсырмаларының алгоритмі» (Шымкент қ., 2001),
• «Фракциялық кристалдау» (Мәскеу қ., 2002)
• «Мемлекеттік басқару және мемлекеттік қызмет» (Астана қ., 2004)
• «Шанышқылы Бердіқожа батыр» (2009) кітаптарының;
• 80-нен астам жарияланымдардың авторы.

Отбасы

• Үйленген. Жұбайы - Қасымбекова Рита Телегенқызы, кәсіпкер.
• Балалары - Әйгерім, Тимур, Асылзат.