Бақылаудың электр контактілік әдісі

Жұмыс жасау принципі

Бақылаудың электр контактілік әдісі – электр тізбегінің контактілік датчик арқылы тұйықталуы бойынша әр түрлі шамаларды хабарлау, реттеу және өлшеу әдісі. Ондай схемаларда бұйым өлшемдері белгіленген шектен ауытқыса, датчик контактілерінің түйісуі нәтижесінде неон лампылары жанады да, «жарамсыз» деген жазу, ал өлшем шамасы белгіленген шектен аспаса, контактілер ажырайды да, басқа лампы жанып, «жарамды» деген жазуды көрсетеді. Жұмыс атқарушы тетіктегі токты арттыру қажет болған жағдайда, датчик схемасына реле жалғанады. Бұл кезде датчик контактісі реле басқаратын аз мөлшерлі ток тізбегін тұйықтайды, ал екінші контакт жұмыстық қондырғыдағы шамасы көп токты іске қосады.