Бақылау - касса аппараты

Қызметі

Бақылау - касса аппараты:

• сауда орындарында кассир жұмысын жеделдету және механикаландыру
• түскен ақша есебін шығару
• есептеу кезінде қате жіберу мүмкіндігін болдырмау
• касса операцияларын бақылау үшін қолданылатын есептеу-жинақтау машинасы.

Ол – төленген ақша сомасын чекке жазуда сан теру тәсіліне қарай клавишті және рычагты, санауыш санына қарай бір санауышты және көп санауышты іске қосу тәсіліне қарай қол жетекті және электрлік болып бөлінеді. Бақылау-кассир аппараты ақша санын, ол ақшаның қай бөлімге тиістілігін белгілейтін, чек жазатын, есептейтін, аппаратты іске қосатын механизмдерден тұрады. Бақылау-касса аппараты сатып алушылардан түскен ақшаны тіркейді; төленген ақша сомасын, рет санын, күнін, сауда орнының аты мен касса нөмірін көрсетіп чек басады; ақша сомасы мен чектің рет санын бақылау лентасына тіркейді, чекке жазылған және аппараттан өткен ақша сомасын индикатор оймасы арқылы кассирге көрсетеді. Бақылау-кассир аппараты бақылау лентасындағы жиынтық нәтижені және жинақтаушы санауыштың көрсеткішін және кассир өткізген ақша сомасымен салыстыру арқылы кеткен қателіктерді анықтауға мүмкіндік береді. Арнаулы бақылау санауыштары арқылы жинақтаушы санауыштағы көрсеткішьерді есепке алу және ол көрсеткіштерді қайтадан нөлге айналдыру кезінде оның ойма қақпағының кассирде болмайтын ерекше кілтпен қанша ашылғанын да бақылайды.