Бедромиус көбелегі

Бедромиус көбелегі
	;
Ғылыми топтастыруы
Дүниесі:	Жануарлар;
Жамағаты:	Буынаяқтылар;
Табы:	Жәндіктер;
Сабы:	Қабыршақ қанаттылар‎;
Тұқымдасы:	Papilionidae;
Тегі:	Parnassius;
Түрі:	P. boedromius;
Екі-есімді атауы
	Parnassius boedromius; Püngeler, 1901

Бедромиус көбелегі (лат. Parnassius boedromius) – сирек кездесетін түр. Тянь-Шань жергілікті түрі, желкенділер ішіндегі ең ұсақ түр, таралу аймағы жекелеген үзік бөліктерге бөлінген. Қазақстанда Іле Алатауы, Күнгей Алатау және Теріскей Алатауы (шығыс сілемдері) жоталарынан нақты белгілі. Оңтүстік және оңтүстік-батыс тік беткейлерінде тіршілік етеді. Әдетте 2700-3500 м биіктіктегі тарамдалған қарлы дақтарында кездеседі. Биік таулы түрлі шөптесінді өсімдіктері бар тау шөгінділерін ұнатады. Жылына бір рет ұрпақ береді. Көбелектер шілдеде ұшады. Жұлдызқұрты лаготистің ( Lagotis spp.) әр түрлі түрінде дамиды. Тіршілік ортасына қолайлы өте шағын лаготисті жерді (көбіне 30x30 метрден аспайтын) жар көшкіні немесе оның опырылып құлауы, сонымен қатар малдың шектен тыс жайылуы, оп-оңай жоқ қылып жібереді. Сөйтіп, бедромиустің тіршілік етуіне мүмкіндік болмайды. Түрді қорғау үшін - көбелектердің жыл сайын көп кездесетін жерін тауып, қорықшалар ұйымдастыру керек.

Дереккөздер

Ғажайып омыртқасыздар. Қазақстан Қызыл кітап беттерінен. Құрастырушылар И.Д.Минтяев, Р.В. Ященко, В.Л. Казенас.