Бекен Исабаев

Бекен Исабаев (1930 жылы туған) - педагог. Бөрілідегі Әуезовтің мұражай-үйін ұйымдастырушы. 1987 жылы мұражай меңгерушісі, 1995 жылдан ғылыми қызметкер.

Еңбектері өңдеу

Құнанбай, Абай, Мұхтар туралы тарихи деректерді хатқа түсірген, жер мен ел тарихының білгірі. Исабаевтың құнды әрі нақты дерекке кұрылған жазбалары Абайдың Семейдегі мемлекеттік мұражай-қорығының колжазба корында сақтаулы. «Абай» жене «Мұхтар Әуезов» энциклопедияларына пайдаланылған біраз деректер, Әуезовтің шежіресі осы Бекен қарияның жазба корынан алынды. «Ұлылар мекені» (2001) атты көлемді естілігі, «Абай жерінің тарихы», «Абай елінің тарихы», «Мұхтар Әуезовтің ата шежіресі» атты жазбалары «Семей таңы», «Алматы ақшамы» (1995) газеттерінде, «Жұлдыз» журналында (1995, № 8) жарияланды.

Бөрілідегі Әуезовтің мұражай-үйінің тақырыптық жоспары мен таныстыру көрсеткіштерінің авторы. Жазушының туғанына 100 жыл толуы мерекесіне орай, Әуезовтің әкесі Омархан мен анасы Нұржамалдың жерленген жерін тауып, басына күмбез орнатуға тікелей жетекшілік етті. Әуезовтің өміріне катысты көптеген деректер жинастырды және «Абай жолы» роман-эпопеясында суреттелген жерлерді картаға түсірді.[1]

Дереккөздер өңдеу

  1. Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8