Бердібек Қуанұлы Мейірбеков

1962 жылы 2 желтоқсанда Шымкент облысының Созақ ауданындағы Шолаққорған ауылында туған. Қазақ. Әкесі - Мейірбеков Қуан, марқұм. Анасы - Әбілова Балажан, зейнеткер. Т. Рысқұлов атындағы Қазақ мемлекеттік экономикалық университетінің қаржы және несие факультетін бітірген (1992), экономист. Экономика ғылымдарының кандидаты (2004). Кандидаттық диссертациясының тақырыбы: «Шағын кәсіпкерлікті қолдау жолдары мен тәсілдері». Қазақ, орыс және неміс тілдерін біледі. 1983 жылдан - КСРО Мембанктің Созақ ауданы бөлімшесінде 2-ші разрядты сарапшы-кассир. 1988 жылдан - "Агропромбанк" ақша айналымы жөніндегі уәкіл. 1991 жылдан - Шымкент облысы Таукент кентінде "Агропромбанк" филиалының меңгерушісі. 1992 жылдың тамызынан - «Қазақстан Әлембанкі» АҚ басқармасында жетекші экономист, бас экономист, басқарма бастығы, тераға орынбасары. 1995 жылдың қаңтар айынан - дамыту және ынтымақтастық Орталық Азия банк вице-президенті (Алматы қаласы). 1998 жылдың мамырынан - ҚР Премьер-министрі Кеңсесінің Құжаттық қамтамасыз ету бөлімі меңгерушісінің орынбасары. 1999 жылдан бері - ҚР Премьер-министрі Кеңсесінің Қаржы-шаруашылық бөлімінің меңгерушісі. «Қазақстан Республикасының тәуелсіздігіне 10 жыл» (2001), «Ерен еңбегі үшін» (2005), «Қазақстан Конституцияна 10 жыл» (2005), «Қазақстан Парламентіне 10 жыл» (2006) медальдарымен марапатталған. Әскери атағы - полковник. Діни көзқарасы - дінге сенеді. Хоббиі - жүзу, серуендеу, табиғат аясында демалу. Сүйіп оқитын әдебиеті - детективтер. Үйленген. Жұбайы - Сопбекова Сәуле Сапарқызы, үй шаруасымен айналысады. Үлдары - Қуанов Бағлан (1992 жылы туған), Қуанов Рауан (1993 жылы туған); қызы - Қуанова Айдана (1996 жылы туған).