Берлин Кенжетайұлы Иришев

Берлин Кенжетайұлы Иришев (9 мамыр 1945, Жітіқара, Қостанай облысы, Қазақ КСР) — экономист әрі дипломат, экономика ғылымдарының докторы.

Берлин Кенжетайұлы Иришев
Туған күні	9 мамыр 1945 (1945-05-09) (79 жас)
Туған жері	Жітіқара, Қостанай облысы, Қазақ КСР, КСРО
Азаматтығы	КСРО  Қазақ КСР→  Қазақстан  Франция
Қызметі	экономист, дипломат

Өмірбаяны

Алматы халық шаруашылығы институтын және Мәскеу қаржы институтының күндізгі аспирантурасын, РФ Президентіне тиесілі Мемлекеттік қызмет академиясының, Дипломатиялық және стратегиялық зерттеулер орталығының докторантурасы (Париж) бітірген.

1973 жылдан бастап Алматы халық шаруашылығы институтында сабақ береді. 1990-1992 жж. Қазақстанның Сыртқы экономикалық байланыстар банкінің (Қазсыртэкономбанкі) басқарма төрағасы. 1992-1994 жж. «Alem Bank Kazakhstan» басқарма төрағасы. 1994-1995 жж. Қазақстанның Мемлекеттік экспорттық-импорттық банкінің (Эксимбанкі) басқарма төрағасы. 1995-1996 жылдары Қазақстан Республикасы Президентінің экономика кеңесшісі. 1997 ж. - «Экономиканы қайта құрылымдау мен шетелдік капиталды пайдаланудың инвестициялық стратегиясы» докторлық диссертациясы (Мәскеу, 1997 ж.). 1996-2002 жылдары Франциядағы Қазақстан Елшілігінің Министр-кеңесшісі Төтенше және Өкілетті Елші дәрежесінде. 1996 жылдан бастап Францияда тұрады. 2005 жылдан - «Parlink Consulting» компаниясының басқарушы серіктесі (Париж).

Кітаптары

• Иришев Б.К. Капиталистік экономиканы реттеудің ақша-несиелік әдістері. Алматы, 1985.
• Иришев Б. К., Гнатов В. А., Коржов А. И. және басқалар. Инвестициялық үдерісті жеделдетудің қаржылық-несиелік механизмі. Алма-Ата, 1988.
• Иришев Б. К. Капиталистік елдердің ақшалай-несиелік жүйесіндегі жаңа құбылыстар. 1989.
• Иришев Б. К. Ақшалай-несие саясаты: түсінігі және механизмі. Алма-Ата, 1990.
• Иришев Б. Экономикалық қайта құру және шетелдік капиталды пайдалану. Мәскеу, 1997.
• Иришев Б. Франция: ХХІ ғасырға қадам басу. Алматы, 2002. («Ұлы Жібек жолы бойында» атты 2-Халықаралық жәрмеңкедегі «Білім және ғылыми әдебиет» номинациясы бойынша жеңімпаз кітап).
• Иришев Б. Еуропаға апарар жол. Еуродақ: интеграциялық модел тәжірибесі (эволюция, құндылықтар, мәселелер). Алматы, 2009 (Ресей ғылым академиясының академигі, Ресей ғылым академиясының Еуропа институтының директоры Н. Шмелевтің «Вопросы Экономики» журналындағы рецензия - 2010 ж. қазан).
• Иришев Б. Еуро дағдарысы және жаһандық тәуекелдер. Мәскеу: Бүкіл әлем, 2014.

Отбасы және жеке өмірі

Бірінші әйелі — Алма. Ұлдары — Азамат (1967 ж. туғ.) пен Алмаз (1976 ж. туғ.)

Иришев, Алмаз Берлинұлы (1976 жылы 17 шілдеде Алматыда туған, ажырасқан, балалары Данияр мен Әмір). - Sky Bridge Group консалтингтік компаниясының президенті.

Иришев, Азамат Берлинұлы (1967 жылы 7 шілде туған) - «Sky Bridge Capital» басқарма төрағасы (Әйелі - Мадина Жаңабекқызы Биешова. Балалары - Диас, Ілияс, Ажар, Диана).

Екінші әйелі — Элеонора. Балалары — Алан (1995 ж. туғ.) мен Алина (2000 ж. туғ.), Париждегі жеке католиктік мектепте оқиды.

Ол гольф, тау шаңғысы және велосипед тебуді ұнатады. Мушкетерлер ассоциациясының мүшесі және Франциядағы қазақстандықтар қауымдастығының президенті.