Берлин пактісі

Берлин пактісі-1940 жылы 27 қыркүйекте Берлинде Германия, Италия, Жапония өкілдерінің 10 жыл мерзімге агрессиялық одақ құрып, қол қойған шарты. Берлин пактісі жер жүзін үш империалистік мемлекеттің бөліп алуын көздеді. Берлин пактісіне қатысушы мемлекеттер бір-біріне саяси, экономикалық, әскери көмек беруге міндеттенді. Берлин пактісіне сол кезде Германия мемлекетіне тәуелді Венгрия, Румыния, Словакия (1940 ж. қараша), Болгария (1941 ж. 1 наурыз), кейіннен Финляндия, Испания, Таиланд сияқты елдер және Хорватия, Маньчжоу-Го қол жаулық үкіметтері, Қытайдағы Ван Цзинь-вэй үкіметі де қосылды. Берлин пактісі агрессорлардың КСРО-ға шабуыл жасау жоспарымен тығыз байланысты еді. II дүниежүзілік соғыста фашистік одақ күйреген соң, Берлин пактісі жойылды..